#The price of red onion along with Gavaran started eating गावराणसह लाल कांदाही भाव खावू लागला...

अहमदनगर/नाशिक : राज्यात गेल्या  काही महिन्यापासुन कांद्याचे दर स्थीर होते. बहूतांश शेतकऱ्यांनी गावराण कांदा विकलाही गेला. आता मात्र  गेल्या सहा महिन्यापासून स्थिर असलेल्या गावराण कांद्याच्या दरात आता वाढ होऊ लागली आहे. गुरुवारी अहमदनगर येथील बाजार समितीत 2800 रुपयांपर्यंत प्रति क्विंटल कांद्याला दर मिळाला. यंदाच्या  खरिपातील लाल कांद्यालाही 1800 रुपयांपर्यतदर मिळत आहे. त्यामुळे गावराणसह लाल कांदाही भाव खावू लागला असल्याचे आज गुरुवारचे राज्यातील कांदा बाजारातील चित्र होते. 

(On Thursday, onions fetched up to Rs 2,800 per quintal at the market committee in Ahmednagar. This year's kharif red onion is also fetching up to Rs 1,800. As a result, the price of red onion along with Gavaran has started going up.)

राज्यात मोठ्या प्रमाणात कांद्याची लागवड होत असते. गेल्या वर्षी डिसेंबरनंतर कांद्याच्या  दरात फारसी  

वाढ झालेली नाही. अहमदनगर, नाशिक, मराठवाडा, सोलापूर आणि पुणे जिल्ह्यातील काही भागात 

मोठ्या प्रमाणात गावराण कांद्याचे उत्पादन घेतले जाते. गेल्या साधारण सात ते आठ महिन्यापासून कांद्याच्या 

दरात वाढ होत नव्हती.  प्रतिक्विंटल साधारण 1800 ते 2000 रुपये यावर दर स्थिर होता. 

मागील आठवड्यात उलट दोनशे ते तीनशे रुपयाने कांद्याचे दर खाली आले होते. आता मात्र 

दोन दिवसापासून कांद्याच्या दरात चांगली वाढ होऊ लागली आहे.

 5-6दिवसापूर्वी च्या लिलावात 2200 रुपये असलेला कांद्याला गुरुवारी एक नंबरच्या कांद्याला

 2350 ते  2800 रुपयांपर्यंत प्रति क्विंटल दर मिळाला आहे. यंदाही कांद्याची अधिक लागवड झाली होती 

परंतु अतिवृष्टी पूर व सततच्या पावसाने खरीपातील कांद्याचे मोठ्या प्रमाणात नुकसान झाले आहे. 

आता काही भागातील खरिपातील कांदा बाजारात येऊ लागला असून नगरमध्ये खरिपातील लाल 

कांद्याला 1800 रुपयांपर्यंत प्रति क्विंटल दर मिळाला आहे. पुणे जिल्ह्यातील जुन्नर बाजार समितीत 

दहा किलो कांद्याला 250 ते तीनशे रुपयांचा दर मिळाला आहे. नाशिक जिल्ह्यातील वणी येथे 

3111 रुपयापर्यंत दर मिळाला आहे. अनेक महिन्यानंतर कांद्याचे दर वाढू लागल्यामुळे 

शेतकर्‍यात उत्साह,निर्माण झाला आहे. सध्याच्या बाजाराची परिस्थिती पाहता 

लाल कांद्याला ही चांगला दर राहण्याची शक्यता व्यक्त केली जात आहे.