नोकरी करून नोकर बनण्यापेक्षा व्यवसाय करून मालक बना - प्रसिद्ध व्याख्याते प्रा.गणेश शिंदे

शेवगाव : राजमाता जिजाऊंनी छत्रपती शिवाजी महाराजांना घडवलं तसं ग्रामीण भागातील आजच्या पालकांनी आपल्या मुलांना घडवत स्वत:च्या पायावर उभं केलं पाहिजे.युवकांनी स्वतःतील सुप्तगुणांचा शोध घेऊन पाहिलेली मोठी स्वप्न सत्यात उतरवण्याकरिता प्रयत्नशील राहावे.नोकरी करून नोकर बनण्यापेक्षा व्यवसाय करून मालक बना असे आवाहन प्रसिद्ध व्याख्याते प्रा.गणेश शिंदे यांनी केले.

शेवगाव येथे जनशक्ती विकास आघाडी आयोजित जनशक्ती युवा संवाद कार्यक्रमात प्रा.शिंदे बोलत होते.कार्यक्रमाच्या अध्यक्षस्थानी 'जनशक्ती'चे संस्थापक अध्यक्ष अॅड.डॉ.शिवाजीराव काकडे होते.यावेळी जि.प.सदस्या सौ.हर्षदाताई काकडे,जिल्हा उद्योग केंद्राचे महाव्यवस्थापक अतुल दवंगे,अ.नगरच्या महाराष्ट्र उद्योजकता विकास केंद्राचे प्रकल्प अधिकारी तात्यासाहेब जिवडे,जगन्नाथ गावडे,देवराव दारकुंडे,संजय आंधळे,अशोकराव ढाकणे,सुनील काकडे,लखन पातकळ,युवा नेते पृथ्वीसिंग काकडे,माणिक गर्जे,देविदास गीऱ्हे,अकबर शेख,विनोद मोहिते,रज्जाक शेख,वजीर पठाण,वैभव पूरनाळे,मनोज घोंगडे आदि उपस्थित होते.

यावेळी बोलतांना प्रा.शिंदे म्हणाले की,मोबाईलच्या अतिवापराने आपण मोबाईलला नाही तर मोबाईल आपणांस चालवतोय अशी परिस्थिती  झाली आहे.त्यांमुळे युवकांनी सोशल मिडीयाचा वापर योग्य ठिकाणी केला पाहिजे.दुसऱ्याचे अनुकरण करण्यात आपण वेळ वाया घालवतो.त्यांपेक्षा स्वतःतील वेगळेपण शोधा.आज व्यवसाय क्षेत्रात परप्रांतीय आढळतात आणि आपली मुलं नोकरीच्या रांगेत.त्यामुळे ही परिस्थिती बदलली पाहिजे.व्यवसाय करण्यासाठी हिम्मत लागते.ती स्वतःतच असते,बाजारात विकत मिळत नाही.त्यामुळे आजच्या युवकांनी हिंमत दाखवत व्यवसायात पडा असे आवाहन त्यांनी युवकांना केले.

कार्यक्रमासाठी म्हातारदेव आव्हाड,बाळासाहेब नरके,भाऊसाहेब सातपुते,भाऊसाहेब बर्डे,अशोक दातीर,शिवाजी कणसे,भारत लांडे,भगवान डावरे,अक्षय भोसले,बाबासाहेब फलके,निलेश वामन,बापूराव गाढे,कृष्णा सरोदे,दत्तात्रय आव्हाड,संदीप हिंगे,राजू मंचरे,भाऊसाहेब राजळे,बाबासाहेब मस्के,लखन फलके,विनोद पवार,बबन गायकवाड,बाबासाहेब देवढे,सुरेश काजळे,भारत भालेराव,बाबासाहेब काळे यांच्यासह हजारो नागरिक उपस्थित होते.यावेळी युवक व युवतींची उपस्थिती लक्षणीय दिसुन आली.या युवकांचे स्वागत पृथ्वीसिंह काकडे यांनी केले.

कार्यक्रमाचे प्रास्ताविक अॅड.डॉ.शिवाजीराव काकडे यांनी तर सुत्रसंचालन गोविंद वाणी यांनी केले.कार्यक्रमास आलेल्या हजारो युवक-युवतींशी जि.प.सदस्या हर्षदा काकडे यांनी हितगुज साधले. शेवगावला एम.आय.डी.सी. करून युवकांना व्यवसायासाठी संधी उपलब्ध करून द्यावी अशा आशयाचे निवेदन तालुक्यातील युवकांनी जिल्हा उद्योग केंद्राचे महाव्यवस्थापक दवंगे यांना दिले.